Skip to main content

Etiqueta: igualdade

Plan de igualdade

Escrito por Diego Seixo en . Publicado en Compromiso social #SomosVerdes.

DECÁLOGO

EQUIDADE NA PARTICIPACIÓN:

Garantir que tanto homes como mulleres teñan igualdade de oportunidades para participar en todas as actividades do Clube, incluíndo adestramentos, competicións e eventos sociais.

DESENVOLVEMENTO DO TALENTO:

Establecer programas específicos de desenvolvemento de mulleres e homes, promovendo a igualdade de oportunidades no acceso a adestradorxs, instalacións e recursos técnicos.

PREVENCIÓN DA DISCRIMINACIÓN E DO ACOSO:

Implementar políticas e protocolos claros para previr e abordar calquera forma de discriminación ou acoso por razón de xénero, garantindo un ambiente seguro e respectuoso para todxs.

REPRESENTACIÓN NA DIRECTIVA:

Fomentar a participación activa das mulleres nos roles directivos, incluíndo a directiva e os comités, para garantir unha representación igualitaria na toma de decisións do club.

COMUNICACIÓN INCLUSIVA:

Adoptar unha comunicación inclusiva que poña en valor os logros e contribucións dxs deportistas, independentemente do seu xénero, promovendo unha linguaxe non sexista e respectuosa.

FORMACIÓN EN IGUALDADE:

Ofrecer formación regular en materia de igualdade de xénero a todxs os membros do Clube, incluídos xs atletas, adestradorxs e directivxs, para concienciar e sensibilizar.

FLEXIBILIDADE E CONCILIACIÓN:

Implantar medidas que faciliten a conciliación entre a vida deportiva e a persoal, recoñecendo as necesidades, especialmente en aspectos como horarios e compromisos familiares.

FOMENTO DA DIVERSIDADE:

Celebrar e promover a diversidade en todas as súas formas, fomentando a participación de deportistas de diferentes idades, niveis de habilidade e orixes culturais.

ACCIÓNS AFIRMATIVAS:

Establecer cotas ou medidas específicas para garantir a participación igualitaria das mulleres en eventos, competicións e funcións de liderado, promovendo así unha representación equilibrada.

AVALIACIÓN E MELLORA CONTINUA:

Implantar mecanismos periódicos de avaliación e seguimento do plan de igualdade, adaptándoo segundo sexa necesario para abordar as novas necesidades e retos.

Escola de remo e equipos base

Escrito por samertolameu en . Publicado en Equipos.

Un dos principais valores da SDS é ser un referente na formación de remeiros e remeiras a nivel galego.

Iniciación

dirixida a persoas novas, de 9 a 12 anos, conta con máis de 200 participantes por tempada. A posta en marcha do programa coñece o teu club, na que os nosos técnicos visitan todos centros educativos de Educación Primaria do concello de Moaña, ten como principal cometido iniciar á rapazada e ás seas familias na práctica do remo, cunha especial atención a formar en conducta e valores de futuro a través do noso deporte.

Perfeccionamiento

A partir dos 13 anos ata xuvenís, que compiten en todas as categorías do remo galego e español. Nesta fase introdúcense todos os aspectos necesarios para a obtención do máximo nivel competitivo, sen perder de vista os valores como o esforzo, a solidariedade e a igualdade, entre outros.

O obxetivo é manter un mínimo do 50 % da tripulación con deportistas formados na escola e nos equipos base.